 |
|
|
|
|
|
|
|
Gasteizek, Euskal Herri osoak bezala, historian
eta errotutako tradizioetan oinarritzen den aberastasun kultural handia dauka.
Gasteizko Erdi Aroko hirigune historikoa Europako bitxienen artean dago,
eta 1997an monumentu-multzoa izendatua izan zen. Horren adierazgarririk onena
Santa Maria katedrala da.
Hiriko punturik altuenean eta hirigune historikoaren iparraldera kokaturik dagoen
estilo gotikoko eraikin ikusgarri hori XIII. mendean hasi zen eraikitzen Alfontso VIII.aren
defentsa-harresi baten gainean. Gaur egun, katedral horretan Europako zaharberritze-lanik
garrantzitsuena gauzatzen ari da.
Hirigune historikoaren mugaren
kanpoaldean ARTIUM
museoa dago, 2002an inauguratu zena. ARTIUMa milurtekoarekin
batera jaio ziren arte garaikideko museoen artean dago;
museo horiek lan artistiko nabarmenak dituzte barne eta gaur
egungo sortze-lanak dibulgatzen eta horiek jendeari hurbiltzen
ahalegintzen dira.
Azken urteotan hiriak izan duen garapenaren beste erakusgarri
bat Gasteizko
Jazz Jaialdia da. Jaialdi hau estatuko musika-eskaintza
nabarmenen artean dago, eta European Jazz Festival Organization erakundeak (Europako jazz jaialdirik ospetsuenak eta etorkizun handienekoak
biltzen dituenak) barne hartzen duen Espainiako jazz jaialdi bakarra
da. Halaber, Gasteizen ikuskizun kultural ugari egoten da, besteak beste,
nazioarteko antzerkia, antzinako musika, zinema, nazioarteko folklorea eta flamenkoa.
|
|
 |
|
|
|
|
|
|
|
|
Lehiarako Abantailak
Kokalekua
Hitzaurrea