 |
|
|
|
|
|
|
|
Gasteiz kirolaren zale amorratua da. Horren erakusgarri dugu hiriko
kirol-instalazio ugariak egunero erabiltzen dituen pertsona-kopuru izugarria.
Hona hemen Gasteizko kirolerako zaletasunaren adierazgarririk onenak:
Juanito Oiarzabal zortzi mila metro baino gehiagoko 20 gailurrera heldu da,
munduko errekorra lortu duelarik. 2003an Juanito Oiarzabalek jaso zuen urteko kirolari
onenaren saria, Arabako Kirol Prentsa Elkarteak emana, bai eta kirol arloko Sabino Arana
saria ere.
Martín Fiz - Bere garaipen-zerrenda luzean ondorengoak dira aipagarri: 1995ean maratoiko
munduko txapelduna izan zen eta txapeldunordea 1997an; laugarren eta seigarren postuak
lortu zituen 1996ko eta 2000ko Joko Olinpikoetan hurrenez hurren; eta Europako txapelduna
izan zen 1994an.
Joseba Beloki - 2001ean eta 2002an hirugarren eta bigarren postuak lortu zituen
hurrenez hurren Frantziako Tour-ean.
Almudena Cid - Munduko bigarren gimnastarik beteranoena da, eta kirolaren esparruko
merezimendu-domina bat du. Txapelketa ugaritan hartu du parte; hona hemen
aipagarrienak:1996ko Atlantako eta 2000ko Sidneyko Joko Olinpikoetan finalista
izan zen; gainera, txapeldun izan da munduko sei txapelketatan, Europako zortzi
txapelketatan eta Espainiako bost txapelketatan.
Jaione Ayastuy garaipen gehien lortu dituen Arabako kirolarietako bat da, bai eta belari
dagokionez nazioartean ospe handiena duena ere. Jaione Ayastuy k Vaurien kategorian nabigatzen
du. Beste sari ugari lortzeaz gain, Ayastuy munduko txapelduna izan zen 2003an eta 2004an,
munduko txapeldunordea izan zen 2002an, eta 2002an eta 2003an Europako txapelketa eta Espainiako
txapelketa irabazi zituen.
Eneko Llanos-ek 2003ko munduko triatloi txapelketa irabazi zuen distantzia luzeko modalitatean.
Bere nazioarteko garaipen-zerrendan aipatzekoak dira 2004ko Europako txapelketan lortutako bigarren
postua, X-Terrako munduko txapelketan lortutako lehen postua, bai eta 2000ko Sidneyko Joko Olinpikoetan
parte hartu izana ere.
18 urte baino ez dituen Diego Barriok Espainiako trialsinean etorkizun oparoa izan dezake.
2003an, munduko eta Espainiako txapelketak irabazi zituen.
Halaber,Gasteizko saskibaloi- eta futbol-taldeek estatuko kategoria altueneko
txapelketetan hartzen dute parte eta azken urteotan arrakasta handia izan dute.
Gasteizko saskibaloi taldea, Tau-Baskonia,
2001-2002ko ligako txapelduna eta 2002ko eta 2004ko errege koparen irabazlea.
Futbol-taldeak, Alavesak,
berriz, azken urteotan Europako hainbat txapelketatan hartu du parte,
eta UEFAren kopako finala jolastu zuen 2001ean.
|
|
|
|
|
|
|
|
Lehiarako Abantailak
Kokalekua
Hitzaurrea