 |
|
|
|
|
Vitoria International Airport Promotion Agency-ek (VIAk)
Europan egindako produktu galkorren logistikari eta garraioari buruzko
nazioarteko lehen biltzarra antolatu zuen. Biltzarra uztaileko 1ean eta
2an zehar egin zen Gasteizko Europa Biltzar-Etxean.
VIAk proiektu horretan parte hartzeko bi motibazio izan zituen: alde batetik,
Gasteizko aireportutik pasatzen den produktu galkor kopuru handia eta, bestetik,
VIAren eskarmentua eta salgai horien harrera- eta manipulazio-operazioen kalitate
handia. VIAk Robert Arendal Associates enpresaren laguntza jaso zuen.
Halaber, instituzio hurbilenek, hots, Gasteizko Udalak, Eusko Jaurlaritzak,
Arabako Foru Aldundiak eta Arabako Merkataritza eta Industria Ganberak, euren
laguntza osoa eman zuten nazioarteko biltzar hori antolatzeko.
Esperientzia oso positiboa izan da.
VIAk biltzar hori bultzatu zuen xede batekin: kate logistikoan parte hartzen
duten estatuko eta nazioarteko operadoreak biltzea (fruta- eta barazki-ekoizleetatik
edota arrain-esportatzaileetatik hasita eta azalera handietara heldu arte, operadore
logistikoak, garraio-enpresak eta airelineak barne hartuta) zabaltzeko aukera duen
sektore horren arazoei eta irtenbideei buruz elkarrekin hitz egiteko asmoz.
Jorratutako gaiak oso interesgarriak izan ziren, eta txostengileen maila oso altua
izan zen. Biltzarrean parte hartu zuten, besteak beste, ondorengo txostengileek: Ram
Menen jaunak, Emirates Airlines airelineako karga-zuzendariak, Ekialde Ertainetik
hegazkinez etorritako loreek jaso beharreko tratamenduari buruz hitz egin zuenak;
André Bolland jaunak, Envirotainer enpresako presidenteak, tenperatura kontrolatzeko
irtenbide globalak proposatu zituenak; eta Pedro Aguirre jaunak, Decoexsa enpresako
presidenteordeak, arrain freskoa eguneko platerean jan ahal izateko hartu beharreko
neurriak azaldu zituenak.
Orain arte, nazioarteko beste biltzarretan, produktu horiek karga orokorrak hartzen
zituen barne. Baina biltzarrean agerian geratu zen bezala, produktu galkorren garraioak
ezaugarri bereziak ditu eta, beraz, tratamendu berezia jaso behar du.
Produktu horien manipulazioak oso arduratsua izan behar du eta zorroztasun handiz zaindu
behar da hotz-katea etengabe mantentzen dela eta salgaiek osasun-baldintzak betetzen
dituztela bermatu ahal izateko. Izan ere, Europako herrialdeek inportazioak egiterakoan
aplikatzen dituzten osasun-irizpideen homogeneotasunik eza izan zen biltzarrera bertaratutakoek
arreta handiz eztabaidatu zuten gaietariko bat.
Merkatuaren urteroko hazkunde aurreikuspenek ere (%10 ingurukoak) interes handia
sorrarazi zuten. Besteak beste, hurrengo faktoreak izan du eragina datu horretan:
Espainiak kontsumitzen duen produktu fresko kopuru handia, batez ere Europako iparraldean
zabaltzen ari den dieta mediterraneoa dela medio.
Interes handia sorrarazi zuen beste gai bat izan zen banaketa?kanal osagarrietan
teknologia berriek duten eragina. Jiménez andreak, Agromare enpresako zuzendari
komertzialak, aurkeztutako alegiazko lonjak eta AZTIko teknologia saileko González
jaunak azaldutako trazabilitatea izan ziren gai nagusiak.
Biltzarrera bertaratutako guztien asmoz, atalik "erabilgarriena" txostengileen eta
ordezkarien arteko mahai?ingurua izan zen. Bertan, partehartzaileek kasu praktikoak
azaldu zituzten eta egunero sortzen diren arazoentzako irtenbide posibleak proposatu
zituzten. Halaber, ondorioetan, produktu galkorren garraioaren gaur egungo eta etorkizuneko
egoeraren baterako azterketa egin zuten.
Amaiera gisa, biltzarrera bertaratutakoek frogatu ahal izan zuten Gasteizko Aireportuaren
lanaren profesionaltasuna eta eraginkortasuna. Izan ere, 110 tonelada arrain eta lore
exotiko eta hainbat zaldi garraiatzen zituen Cargolux-en Boeing 747-400 baten hustuketa
eta manipulazioa ikusi ahal izan zuten.
Biltzarrera bertaratutako guztiek adierazi zuten beharrezkoa dela Fresh Opportunities
ekimenarekin jarraitzea, merkatu-nitxo honi buruzko berariazko foro bat baita. Gainera,
biltzarraren ondorioek agerian utzi zuten sektoreak jarraitu beharreko estrategiak eta
norabidea zehaztu gabe daudela.
|
|
|
|
|
|
|
|
Lehiarako Abantailak
Kokalekua
