Mugimendu Libreko Itunaren alderdi kontratatzaile den estatu baten bandera edota Espainiarekiko bi aldeko itun baten bidez eskubide baliokideak lortu dituen estatu baten bandera duen edozein hegazkinek izango ditu Espainiako lurraldearen gainetik hegan egiteko eta bertan merkataritza-helbururik gabeko geldialdia egiteko pribilegioak. Horretarako, ez da beharrezkoa izango aldez aurretik abisatzea edota baimena eskatzea, baldin eta itun horietan ezarritako baldintzak eta "Informazio orokorra" atalaren 2. puntuko xedapenak betetzen badira.

Espainiarekin bi aldeko itunak izenpetu dituzten herrialdeei buruzko informazioa jasotzeko, ondorengo helbidearekin jar zaitezke harremanetan:

DIRECCIÓN GENERAL DE AVIACIÓN CIVIL
Subdirección General de Explotación del Transporte Aéreo
Servicio de Derechos de Tráfico y Tarifas
Paseo de la Castellana, 67
28071 Madrid (ESPAÑA)

Tel.:(zuzena) +34 915 975 020
Tel.: +34 915 978 781
Fax: +34 915 978 300
AFTN: EACZXEX
SITA: MADVRYA


Espainiarekin bi aldeko aire-itun bat sinatu duten herrialdeetako airelineek nazioarteko hegaldi erregularrak egin ahal izango dituzte baldin eta itun horrek ezartzen dituen baldintzak betetzen badituzte trafiko eskubideei, tarifei, ibilbideei eta abarrei dagokienez.

Kasu guzti horietan, ezinbestekoa izango da ordutegiak askoz ere lehenago onartuak izatea. Informazioa jasotzeko edota Espainiarekin hegaldi erregularrak egiteko baimena lortzeko edozein eskakizun lehenago adierazitako helbidera igorri beharko da.




Hegaldi bat egiteko baimena lortu ahal izateko, airelineen ustiatzaileek ondoren zehazten diren dokumentuak aurkeztu beharko dituzte Espainiara ailegatzean edota Espainiatik irtetean. Dokumentu guzti horiek Hegazkintza Zibileko Nazioarteko Erakundearen (HEZINEren) formatu normalizatua izan beharko dute, 9. Eranskinaren gehigarrietan zehazten denari jarraituz. Dokumentuak onargarriak izateko gaztelaniaz, frantsesez edota ingelesez egon beharko dute eta eskuz bete beharko dira letra irakurgarriz. Ez da bisarik behar.

Espainian diharduten airelinea guztiek "aire-trafikoari buruzko formulario estatistikoa" bete beharko dute Espainiako edozein aireportutik datorren hegazkin bat ailegatzerakoan edota Espainiako edozein aireportura doan hegazkin bat irteterakoan.

1996ko otsailaren 9ko Ogasuneko Ministro-Aginduak ezartzen duenez, nazioarteko trafikoan hegaldi erregularrak eta ez erregularrak egiten dituzten hegazkinak ailegatzen eta irteten direnean, Espainiako Aduana Zerbitzuen aurrean aurkeztu behar duten trafiko-dokumentu bakarra karga-manifestua da. Hartara, airelineek aurkeztu behar dituzten dokumentuak ondorengoak dira:

AILEGATZERAKOAN:
Helduera-aireportuan
Karga-manifestuaren kopia bat, hegazkinetik jaitsi diren bidaiarien kopurua adieraziz, eta, hala badagokio, aireportuan deskargatu diren ondasunen bi kopia partzial.

Hegazkinak aurreikusi baldin badu Iberiar Penintsulako edo Balearretako aireportu batean edo bat baino gehiagotan geldialdia egitea, garraio-enpresak aurkeztu beharko du, aurrekoaz gain, karga-manifestuaren beste kopia bat. Kopia horrek, aurrerantzean, "ibilbide-manifestu" izena jasoko du, eta geldialdi horietan aurkeztu beharko da. Lehenengo helduera-aireportuan kargamentu osoa eta bidaiari guztiak deskargatzen dituzten estatuko hegazkinak betebehar horretatik salbuetsita geratuko dira.

Karga-manifestuan aipatzen den eta helduera-aireportura doan kargamentu osoari buruzko aire-garraioko agiria.

Hurrengo geldialdietan:
Karga-manifestua eta, hala badagokio, deskargatuko den kargamentuaren hiru kopia partzial, edota kopia bakarra baldin eta aireportuan hegazkinetik bidaiariak soilik jaisten badira.

Azken geldialdian, aduanak ibilbide-manifestua gordeko du eta deskargatuko den kargamentuaren bi kopia partzial besterik ez dira beharrezkoak izango, edota kopia bakarra baldin eta aireportuan hegazkinetik bidaiariak soilik jaisten badira. Estatuko hegazkinen kasuan, prozedura bera aplikatuko da ibilbide-manifestuan aipatutako kargamentua eta bidaiariak geldialdietako edozein aireportutan deskargatu direnean, nahiz eta azkena ez izan.

Aurreko geldialdietan estatuko aireportuetan prozedura honen bidez deskargatutako kargamentuari dago(z)kion trafiko-manifestu berezia(k).

Aireportura doan eta karga-manifestuan aipatzen den kargamentu osoarentzako aire-garraioko agiria.
IRTETERAKOAN:
Zuzenean atzerrira irteteko aireportuan:
Karga-manifestua, baita kargarik ez badago ere, herrialde horretan kargatu den kargamentu osoa zehaztuz. Hala badagokio, manifestuaren bi kopia aurkeztuko dira, bertan hegazkinera igo diren bidaiarien kopurua aipatu beharko delarik.

Beste edozein aireportutan:
Aireportuan kargatu den atzerriko igarotzako kargamentuaren manifestu berezia.

VIA, Promoción del Aeropuerto de Vitoria S.A.
info@via.com.es Cámara de Comercio e Industria de Alava
Dato, 38 . 01005 Vitoria-Gasteiz		 Tel: 34 945 141800
Fax: 34 945 143156
Hegaldi erregularrak
Hegaldi ez erregularrak