Gasteizko aireportuaren inguruan daude bai errepideko bai trenbideko garraioko sare nagusiak, ondorengo ardatzei zerbitzua egiten dietenak: Afrikako iparraldea - Lisboa - Madril - Euskal Herria - Paris - Londres - Frankfurt, eta Oporto - Euskal Herria - Bartzelona - Frantziako hegoaldea - Italia.

Autobide eta autobia hauetako eguneko batez besteko zirkulazioaren intentsitatea 15.000 kamioikoa da, eta horietako gehienak nazioarteko garraioari dagozkio. Trenbideari dagokionez, hainbat karga-trenek egiten dituzte egunero ibilbide horiek.

Gasteizko aireportuaren kokaleku bikainak eskaintzen dituen abantailak aprobetxatuz, Gasteizko Korridore Logistikoa garatzen ari da Europako garraio intermodaleko sareentzako ezinbesteko gune logistiko gisa. Korridore Logistikoa zera da: logistikan espezializatutako azpiegitura multzo bat (5.000.000 m² baino gehiagokoa), behar logistiko askotarikoei erantzuna emateko xedea duena. Azpiegitura horien artean, Gasteizko aireportua, korridorearen erdian kokaturik dagoena, funtsezko elementua da.
VIA, Promoción del Aeropuerto de Vitoria S.A.
info@via.com.es Cámara de Comercio e Industria de Alava
Dato, 38 . 01005 Vitoria-Gasteiz		 Tel: 34 945 141800
Fax: 34 945 143156
Centro de Transportes de Vitoria
Aireportuaren inguruan Centro de Transportes de Vitoria delakoa dago (Gasteizko Garraio Zentroa - CTV). CTVa azken belaunaldiko ondasunentzako zentro bateratu garrantzitsua dugu; bertan garraioarekin, logistikarekin eta banaketarekin lotutako jarduera guztiak gauzatzen dira. Zentroaren instalazioak zabaltze-fasean daude orain, amaieran 900.000 m²-ko azalera izango dutelarik.
Estación Ferroviaria de Mercancías
CTV zentroaren ondoan RENFEko trenbide-terminal intermodala dago. Terminalak 153.000 m²-ko azalera du eta bertan multzokatzen dira egunero Europako erdialdera eta Iberiar Penintsulako hiririk garrantzitsuenetara bidaltzen diren salgaiak.
Polígonos de Araia y Salvatierra
Bi industrialde hauek 1.400.000 m² baino gehiagoko azalera dute guztira eta logistikan dihardute. Izan ere, Madril eta Paris lotzen dituen N-I errepidearen ertzean daude kokaturik (Gasteizko aireportutik iparraldera 25 kilometrora) eta elikagaigintzan, automobiletan eta pneumatikoetan diharduten zentro logistiko garrantzitsuak dituzte barne, bai eta flotei laguntza ematen dieten garraiolari-zentroak ere (550.000 m² baino gehiagoko azalerarekin).
Arasur
Plataforma logistiko hau Rivabellosan (Gasteizko aireportutik hegoaldera 25 kilometrora) eraiki berria da. 2.000.000 m²-ko azalera du eta Bilboko porturainoko trenbide-lotura zuzena dauka. Horrek posible egiten du portuko jarduera logistikoetarako eremu bat izatea (portu lehorra deritzona), plataforma honi izaera espezifikoa ematen diona. Halaber, ondorengo zentroak eraikitzea aurreikusi da: garraiobide-aldaketa intermodalerako zentro bat; biltegiratze-, arautze- eta banaketa-zentro bat; eta nazioarteko zirkulaziorako zentro bat.
Subillabide
Industrialde berri hau 2003. urtearen hasieran eraikitzea aurreikusi da. Bere azalera 1.000.000 m²-koa izango da eta Gasteiztik hurbil egongo da, Langraitz Okaren inguruan, hain zuzen ere. Industrialdeak N-I autobiarekiko, aireportuarekiko eta Jundizeko industrialdearekiko loturak izango ditu.
Júndiz
Industrialde hau Madril eta Paris lotzen dituen N-I errepidearen ertzean kokatuta dago, aireportutik hurbil. Sektore ezberdinetako enpresak (besteak beste, logistika sektorekoak) barne hartzen dituzten industrialdeen artean, Arabako handiena dugu hau. Gaur egun, 4.900.000 m²-ko azalera dauka, baina industrialdearen zabaltzea amaitzen denean (jadanik hasita dago), 6.500.000 m²-koa izango da bere azalera. Beraz, etorkizun handiko industrialdea da hau.
Puertos de Bilbao y Pasajes
Bilboko eta Pasaiako portuak (autobidetik 45 eta 75 minutura, hurrenez hurren) petrolioaren produktuak, salgai orokorrak, ibilgailuak eta burdingintzako ondasunak sartzeko eta ateratzeko zentro garrantzitsuak dira. Portu hauek urtero 30 milioi tona inguruko zirkulazioa izaten dute, eta Europaren eta Amerikaren arteko itsasoko merkataritzarako funtsezko guneak dira, mundu osoko 500 portu baino gehiagorekin loturak baitituzte.
Parque Tecnológico de Álava
Arabako Teknologi Elkartegia Gasteizko aireportutik hurbil dago eta guztira 1.171.864 m²-ko azalera dauka. Elkartegiak teknologia aurreratuko enpresa ugari ditu barne, batez ere aeronautika sektorekoak. Halaber, ekipamendu telematiko sofistikatuenak eskaintzen ditu, bai eta aurkezpenak eta topaketak egiteko zerbitzu-sorta handia ere.
VIAP- Vitoria Industrial Air Park
Industri elkartegi honek azpiegitura maila altua dauka (telematika ahalmenak, bideak, berdeguneak, etab.) eta, eraikuntzari dagokionez, malgua da. Hori dela eta, leku interesgarria da industri-enpresa esportatzaileentzat (edota antzeko zerbitzuak eskaintzen dituzten enpresentzat) eta inguruan industri-aireportu bat izatea behar dutenentzat; merkataritza elektronikoa garatzeko plataforma eraginkor batean parte hartzeko interesa duten enpresentzat ere erakargarria da elkartegia.

Egiten ari diren azterketek VIAP bezalako ekimen bat garatzeko beharra eta bideragarritasuna adierazten dute, aztertu diren karga-garraioan espezializatutako aireportu guztiek mota horretako azpiegiturak baitituzte. Aukera ezberdinen artean, onenak proposatzen du VIAPek 350.000 m² eta 780.000 m² bitarteko azalera izatea. Lurrean eta urbanizazioan egindako inbertsioa 20,8 milioi eurokoa izango litzateke 350.000 m²-ko azalerarentzat.